Saterdag 02 Maart 2019

Braai - Ou skottel kry nuwe lewe

22 jaar se roes
Hierdie storie het eintlik twee kante ... so laat met die een begin. So tyd gelede het ek kennis gemaak met Mashesha se stofies en 3 aangeskaf wat ek gebruik by die Potjiekos kompetisies. Dis 'n baie lekker stofie as jy eers sy streke ken.

Laaste roes is af
So 3 weke terug staan ek in die stoor en kyk na die stofies en toe onthou ek my pa se Skottelskaar braaipan. Hy het die pan in 1966 gemaak en ek kannie eers begin om te dink hoeveel kilogramme vleis is deur daardie pan nie. Na sy dood het die pan in die garage gebly en tydens my ma se laaste verhuising het ek die pan gekry. Teen die tyd was hy al erg geroes en ek het hom in my stoor gebêre met die goeie voorneme om hom weer te gebruik. Maar die jare het verby gegaan en die roes het maar rustig geknibbel en geknaag.

Mooi gebak met olie
Die Saterdagoggend is ek in 'n snaakse bui en die heimweë lê vlak in my gemoed. My vrou is nie by die huis nie en ek drentel maar in die tuin rond. Met doelgerigte treë stap ek na die skottel toe en dra hom uit in die sonlig in. My genade, die ding is een roeskol. Ek skuif al die negatiewe gedagtes weg en plaas hom op my werksbank. Met 'n gesukkel kry ek die handvatsel los en  toe spook ek vir so dertig minute om die pote los geskroef te kry. Nou is dit net die skottel.

Ek kook hoofsaaklik met gietyster potte en panne so ek het al 'n paar ou potte en panne laat herleef en ek volg maar dieselfde resep. Eerstens skrop ek die pan goed met 'n draadborsel wat aan my boormasjien gekoppel word. Na so 10 minute sien ek blink strepies verskyn en skrop die skottel uit met warm water en seep. Hy is maar nog rooierig maar die erge roes is af. Ek maak die skottel goed warm in my gas braaier en gooi koue water in ... woeste stoom en gestotter en toe dinge kalmeer toe skrop ek hom weer met seep en warm water. Hy lyk sommer stukke beter. Volgend gooi ek koeksoda in die skottel en voeg asyn by. Met elke asyn byvoeging skrop ek die skottel met 'n borsel. So hou ek aan tot die koeksoda nie meer borrel as ek asyn ingooi nie.

En daar braai ek
Laaste skrop met kookwater en seep en toe terug braaier toe. Ek het gelukkig 'n lekker groot braaier en die deksel maak toe met die skottel in. Ek laat hom so bak vir 30 minute. Die gasbraaier/oond gaan op tot 450C en die skottel is hel warm. Toe smeer ek hom baie liggies met sonneblom olie. Ek smeer dit aan met a silikoon kwas. Net liggies. Bak hom weer vir 45 minute ... en toe is hy terug ... opgewek uit die dode.

Met 'n groot glimlag bekyk ek die pan en toe skiet ek in dorp toe ... vanaand word daar Shizanyama gemaak soos in my kinderdae.

Laatmiddag steek ek die Mashesha aan die brand terwyl Poppie my koggel ... vir 'n man wat sedert 1984 net op gas braaiers werk is dit vir haar komies om my te sien vuur maak. Ek sê maar niks en sit die skottel op die vuur. Dis nou die voordeel van die skottel en dit pas die Mashesha goed ... kole is nie nodig nie, net vuur. Ek het die dun stukke Sekelbos wat gewoonlik in die chipper beland uitgehou en in die regte lengtes gesny. Nou kan ek die vuur lekker stook.

Klaar gebraai
Drie eetlepels varkvet in die pan en toe die vleis ... doodgewone kortrib wat lekker vol speserye gegooi is. Niks medium of halfgaar nie ... hulle word lekker crispy gebraai. Terwyl ek die vleis inpak en die geur in my neusgate op warrel dink ek aan my Pa ... wat sou ek wou gee om hom nou hier langs my te kon hê.

Op die einde skuif ek die vleis uit na die kante toe en gooi 'n klomp grofgekapte uie in die dammetjie vet ... speserye en daar gaan hy.
Koningskos

Skemeraand sit ons by die tafel en Poppie vra die seën. Vanaand is ek ekstra dankbaar ... die Here het my goed geseën in my lewe en hierdie eenvoudige ete van vleis, uie en brood met appelkooskonfyt is soos 'n koningsmaal vir my. Met dankbaarheid eet ek aan die kos en dan op die einde trek ek nog so stukke brood deur die vet in die pan en stilweg bedank ek my pa ... 'n man wat selde gekla het en maar altyd dit gedoen het wat gedoen moet word.


Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.

Woensdag 27 Februarie 2019

Garden - Taming the backyard

In June last year I sort of retired. Unfortunately I am not someone that can sit around and do nothing. For the past 25 years or so I worked basically 18 hours per day and rarely paid any attention to the garden. Over this time my wife managed it mostly but she was met by many disappointments. Our soil are typical Lowveld gravel that is fairly acidic. This meant that many of the plants she carted in just whithered away and died.

Ponds
I built a fairly large set of koiponds 10 years ago to cut down on the amount of lawn we had. I also collected a fairly comprehensive number of orchids. Over the years some of them did well but many simply whithered away to poor excuses for what they could be.

Before
When I bought the place I did a large amount of renovation and it included some walkways and decking. After almost 23 years the walkway railing was beginning to fail and was in desperate need of repair.

So one morning early I stood at the back door and looked at the failing railing. This was the main entrance to our home and it looked dilapidated.

After
I am blessed with a fairly creative and innovative mind and as my eyes wondered over that part of the garden a picture started forming in my head. I took some photographs and sat down behind my computer.

Within a few hours I had a plan and went out and instructed my guys to start ripping out the old railing.

Three days later the material needed was on site and construction started.

Before
I decided to replace the railing with some dual purpose structures ... raised flowerbeds.

After
My wife was not very impressed but I just smiled and carried on. Fortunately I have space and my mind went wild. I decided to create more than enough room so that we could have our best plants in a controlled environment with the right type of soil and easy to manage irrigation. What is more important is that these raised beds are easy to access for older backs and stiff joints ... not the herbaceous ones 😜

The whole project took around 3 months to complete because as I started cleaning up sections of the garden we had to prepare other spaces for the surplus plants. Just for the record, my yard is roughly the size of 2 rugby fields ... that is a lot of ground to cover.

Flowers and Cucumbers
Here are some images of the raised beds. I have been asked by many people if I will do it commercially and did not really have any interest in it. Then a while back I helped my oldest son to spruce a townhouse up that he wanted to sell ... so we did some design work and turned a fairly mundane little garden into something special and most of all ... manageable.

Easy to reach
Shortly after that my son was getting requests for some of the units and I agreed to to participate. And that is how the #ManKos Planters came to be. Now some frown on the relevance of these units and #ManKos ... well I mix my boxes with flowers, herbs and some root vegetables. It is quite rewarding to take stroll around the boxes in the late afternoon and pick some fresh herbs and other things for dinner. I plant radishes for example, 12 seeds every 10 days. This ensures that after 3 weeks I have fresh radishes every night for the salad. I pick rocket and basil as needed and I have started to use more chilies in our food.

Style and purpose
These planters are well suited for the smaller townhouse gardens. Your beds are raised and your lawn can grow under it. We can fit irrigation for you and as you can see in the pictures the beds can be alternated with open shelves ... there is really lots of options to employ to make your garden unique.

Another advantage is that with these #ManKos Planters you can keep your precious plants out of reach of your pets.

If you are interested and live in the Nelspruit area you can contact Jacques.







Sondag 27 Januarie 2019

Gewig - Eet lekker maar verstandig

Ek wil iets met julle deel wat nou nie regtig oor kos kook of bak gaan nie maar oor my eetstyl. Ek het in Oktober 2016 besef dat ek nie die einde van daardie jaar gaan sien nie. Ek was oorgewig, my hande en voete was besig om dood te gaan vir sensasie en ek kon beswaarlik uit 'n stoel uit kom. Ek het sleg geslaap en was altyd moeg. In kort ... ek was depressief en vinnig op die afdraande.

Vark vlenters en pap
Ek het by 'n Gym aangesluit en 'n personal trainer gekry. Eli Fourie is self 76 jaar oud en was sy hele lewe lank in die fiksheds en ligaamsbou sektor. Hy verstaan ou mense se lywe. Ek het by hom begin en my gewig was op 108.5kg.

Oorskiet Steak met mielies in roomsous
Met moeite, verskonings en baie kibbel het ek commit na die program toe en na so 3 maande het dit roetine geword vir my. Aanvanklik kon ek beswaarlik een pushup doen ... Vrydag het ek 3x stelle van 15 gedoen. Daar is nog 'n klomp ander goed wat dramaties verbeter het.

Ek het ernstig begin fokus op my eet program. My gewig het geleidelik geval maar volgens my skaal het die vet % verminder en die spiermassa het verhoog. Na 18 maande staan ek toe op 104.5 kg maar het sigbaar baie verander en centimeters het geval.

Repies steak en slaai toebroodjie
In Oktober 2018 sit ek en kyk na Slank op Kyknet en die kardioloog verduidelik toe dat mens se brein na so ongeveer 25 minute 'n hormoon afskei wat vet verbranding blok. Hy verduidelik toe ook dat mens moet probeer om tenminste 10 ure in 24 uur niks te eet nie. Kort daarna het ek na 'n program gekyk waar daar gepraat word oor die voordele van die sogenaamde Wolf Dieet. In kort kom dit maar neer op bykans die banting roete wat my goed pas maar die aanpassing was slegs een ete per dag.

Ek plaas fotos van my laaste week se etes.

Boontjie in pepersous met vark worsies
Ek het oorgeskakel na die wolf dieet toe. In 'n neutedop, ek eet een maaltyd per dag en dis gewoonlik in die aand. Ek eet basies wat 'n wolf sou eet met so bietjie stysel tussen in. My inname van aartappels en brood is drasties besnoei. Ek eet selde rys en ek is goed ingestel op my porsie grootes.

Oor die algemeen eet ek ek waarvoor ek lus kry en as ek in die dag sou honger raak eet ek 'n stukkie oorskiet vleis, wors of steak. Die knibbel porsie is selde meer as 'n appelkoos groote.

Steak tartare met aartappel
Ek het ook my gym sessies aangepas en waar my roetine gewoonlik so 50 tot 55 minute geneem het het ek dit ingekrimp na 20 to 25 minute toe. Dit was hel in die begin maar spoedig het my lyf aangepas en ek was verbaas toe ek sien hoe ek gewig begin verloor. Dit was 'n groot oomblik toe ek onder 100kg kom ... 'n gewig wat ek laas in die 80's gesien het.

Ek voel beter as wat ek in baie jare gevoel het.

Steak en chips
Ek het 4 maande terug begin om daggaolie te gebruik vir spier spasmas en binne 6 dae het die spasmas verdwyn. Ek slaap beter en het baie krag. Ek het vir my 'n Polar Activity Monitor gekoop en poog om my aktiwiteit op datum te hou elke dag. My gemiddelde aktiwiteit 137% van die teiken per dag. Dis die laaste maand se syfers.

Dit was 'n moeilike pad aanvanklik maar deesdae is dit my leefstyl. Ek het byna 12kg gewig verloor en 27.5cm sedert Oktober 2016.

Ek doen baie moeite om die kos lekker te laat smaak en goed te laat lyk op my bord.


Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.

Woensdag 21 November 2018

Braai - Groen met smaak

Die feesseisoen is op ons en noodgedwonge gaan meeste van ons met oorskiet braaivleis sit. Ons gaan ook meer kos maak want dis mos kuiertyd. Die groot uitdaging is dan ook om darem so bietjie gesonder kos tussen die brasserny in te druk.

Vandag gaan ek bietie 'n storie skryf oor hoe ke oorskiet gebruik en ook so goeie skep groen goed byvoeg. Hierdie is nie werklik 'n resep nie maar meer 'n storie oor hoe jy die ding kan doen.

Jy gaan benodig ...
1. Oorskiet vleis ... maar jy kan maar maalvleis gaar maak of wors.
2. Groen mielies.
3. Spinasie blare.
4. Bisto of wat jy ookal gebruik vir sous maak.
5. Koekmeel.
6. Uie.
7. Rissies
8. Room ... opsioneel.
9. Varkvet ... of enige olie waarmee jy braai.

Kook die groenmielies sag ... ek gebruik sommer my stomer in die mikrogolf oond. Sny die pitte van die stronk af en roer bietjie botter by en geur met een of ander braaisout.

Sny die stingels uit die spinasie uit en kap fyn. Ek sê dat ek die spinasie ontbeen.

Kap jou ui fyn asook die rissies.

As jy oorskiet vleis gebruik, sny in klein blokkies, omtrent ertjie it grootte.

Kerf die spinasie blare in fyn repe.

Meng gelyke dele van jou Bisto en koekmeel.

Sit nou 'n ordentlike skep varkvet in jou braaipan. Moenie nou snoep wees nie want jy gaan die sous in die vet bou.

Gooi bietjie gemaalde peper en braaispeserye in die warm vet. Sodra jy dit sterk ruik, gooi die uie, spinasie stingels en chillies in die warm vet en roerbraai. Jy soek a redelike warm pan.

Sodra die uie lekker sag is, gooi die vleis in en roer goed. Jy wil hê alles moet bietjie saam braai. Gooi nou die meelmengsel oor en roer goed. Gee dit so 60 sestig sekondes en dan gooi jy water by ... koue water. Jy wil hê die storie moet sterk reageer en borrel en kook dat dit bars. Bly roer totdat dit kalmeer. Begin met a koppie water en voeg meer by as die sous te dik is. Moenie bang wees vir teveel nie want jy kan dit altyd afkook.

Sodra alles nou nou lekker prut, draai die hitte af op laag en skep die rou spinasie blare in die bodem van pasta bord. Volgende skep jy mielies op die blare en dan skep jy die souserige bredie bo-oor. Laat net so staan vir so 3 minute.

Ek garneer met mielies en radyse.

En dis al ... die hitte van die bredie gaan die blare verwelk maar dit gaan steeds mooi groen wees en baie smaakvol.


Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.

Vrydag 26 Oktober 2018

Prima Rib - Fees vir Vleisvreters

1.8kg Grotman Chop
So twee weke gelede stap ek by my gunsteling vleiswinkel in en ek steek dood in my spore vas. Daar in die vertoonyskas staan 'n stuk vleis op 'n houtplank, kompleet met 'n bankskroef. Mensig maar dis 'n mooi prentjie. In my geestesoog sien ek al hoe die mes teen die been afgly ... en my mond begin water.

Ek wink vir Wimpie nader ... "Hoeveel vir die stuk vleis en die bord ?"

Sag en sappig
Tien minute later sit ek in my kar en skud my kop ... ek gesels kliphard met myself. Ek beter hulp gaan soek ... hierdie ding van my en vleis is nou besig om handuit te ruk. Ek steek 'n Camel aan die brand en kyk hoe die blou rook rustig by die venster uit trek .... Nee ek kort nie hulp nie ... ek is 'n man en ek is 'n vleisvreter.

My grootste uitdaging was om te besluit wie gaan ek nooi om hierdie pronkstuk saam met my te eet ... dis 'n reuse stuk vleis ... 1.8kg ... dis baie en hoe hy gaar gemaak moet word is baie belangrik. Daar is geen manier dat hy "medium well" kan wees nie ... dit sal omtrent dieselfde wees as om 'n aandpak aan te trek op 'n jagtog ... hoogs onvanpas en moet net eenvoudig nie gedoen word nie.

Teen die tyd dat ek by die huis aankom het ek my besluit geneem. Ek sal my oudste, Jacques, nooi vir die fees ... hy is baie lief vir vleis  ... die ideale gas vir die geleentheid.

Lekker man
Ek gaan nou nie Poppie se presiese woorde herhaal wat geuiter is toe ek by die kombuis instap en die stuk vleis en plank op die kombuistafel neer sit nie ... al wat ek gaan sê is dat daar wilde gesigsuitdrukkings was wat gewissel het tussen totale stomheid en passievolle uitlatings ... heeltemal teveel F's in vir publieke publikasie.

Nouja ... met sorg lê ek die pronkstuk neer in my yskas se onderste laai ... dis waar ek my vleis verouder ... hierdie kneuwel is wel reeds verouder maar ek gaan hom beslis nog so 14 dae of wat gee.

Die opvolgende dae doen ek baie navorsing ... ek is nie 'n man wat skrik vir vleis op die vuur nie maar hierdie is 'n baie groot stuk vleis ... 1.8kg en so 35mm dik ... nie jou tradisionele braaivleis biefstukkie nie.

En so breek die dag aan ... Sondag ... en ek haal die Grotman Chop uit die yskas uit. Eers smeer ek hom mooi met Suurlemoen gegeurde olyfolie en dan strooi ek gemaalde peper lekker ruimskoots oor die vleis. Ek druk die peper mooi vas en maak die pan toe met kleefplastiek. Nou moet hy rustig lê tot hy by kamertemperatuur is.

Twee uur gan die stuk bees rooster toe. My braaier, 'n gas braaier is op sy warmste en die temperatuur onder die deksel klim tot by 450C. 6 minute aan elke kant en toe skuif ek hom van die roosters af na die sogenaamde "infra-rooi" braaiplaat toe. Die interne temperatuur van die vleis is nou 38C maar daar is 'n mooi kors op die vleis. Nog 3 minute op elke kant en die temperatuur is 63C.

Vleisvreters
Ek lig die vleis af van die braaier af en op die plank. Nou moet hy 8 minute rus ... seker die belangrikste deel van die kook proses.

Almal in die kombuis staar met groot oë na die chop ... vir my is dit 'n kunswerk.

Agt minute later gly die mes teen die been af en die vleis lyk heerlik. Ek sny dit op in repies, vra die Seën en toe sak ons twee manne in daai vleis in. Daar word min gepraat ... net gekou en lippe word afgelek.

Net vleis en brood ... ManKos uit die boonste rakke. Nie sleg vir 'n eerste poging met so reuse stuk vleis op die braaier nie. Volgende een sal ek afhaal op 60C.

Ek koop my vleis by El Madre Slaghuis in Nelspruit. Vra maar vir Wimpie.


Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.

Sondag 14 Oktober 2018

Potjiekos - Slowveld 2018

Saterdag 13 Oktober 2018 en die dag breek oor die Laeveld. Ek staan in my kombuis en kyk deur die venster terwyl die ketel aan die kook kom. Ek sukkel om ordentlik wakker te word as ek nie my oggend koffie in kry nie.

Finale aanbieding
Dis 'n grou dag, ligte windjie maar hy het 'n skerp kant en daar is so mistige reëntjie wat nie eers die geute aan die praat kry nie ... net so sukkelende druppery ... amper soos my skoolmaatjie, Fanie ... net 'n gehakkel.

Ons Kookskerm
Ek is nogal gespanne, die Slowveld Potjiekos Kompetisie is bekend vir strawwe kompetisie en uitstekende kos. Soort van die UITHANG potjiekos geleentheid van die jaar. #ManKos neem vir die eerste keer deel en ek weet dat ons te staande gaan kom teen spanne wat gekonfyt is in die potjiekos ding.

So vat ons die pad Witrivier toe. Nie baie geselsies in die motor nie, elkeen maar besig met sy eie gedagtes.

Varkvel Krakers en Kaiings
Met ons aankoms by Casterbridge is dit reeds woelig en almal pak af, pak uit en slaan op. Hier is dit koud en die misreën is bietjie meer manhaftig as by my op die plaas. Dit laat my nogal angstig voel. Die hoofpot is nie regtig 'n probleem nie want hy kook met sy deksel op en die Mashesa stofie sal kan oorleef in so trietsigheid. My probleem is kaiings en varkvel krakers ... dis oop potte met kokende varkvet in en dit gaan nie goed werk as daar water inval nie.

Ons slaan ons kookplek aanmekaar en spoedig begin die rokies trek. Die reën neem die wyk maar die koue bly maar knibbel.

Op 'n stadium het ek gevrees ons gaan nie betyds klaar kry nie maar met toewyding stook en kook die span en 11h50 is ons gereed vir die beoordeelaars. Nadat ek die opdiening gedoen het, haal ek diep asem en ontspan. Nou is daar niks meer wat gedoen kan word nie en ek en Jedske neem die bord na die beoordeelaars toe.
Beoordeling

Lekker Buffalo Bacon Bytes
Varkvel Krakers en Kaiings
Gemmer Varkpens
Vetkoekies
Tuisgebakte Broodrolletjies

Daar was so bietjie groente maar #ManKos is Vleis en Brood 👍

Sukses
Op die oog af het ek goeie tekens gesien tydens die beoordeling en toe is dit verby. Terug by die kookskerm is ek stomgeslaan ... alles is uitverkoop ... 22 porsies. Vir die eerste maal gaan sit ek in my stoel, nou eers besef ek hoe lekker moeg is ek werklik. Zaan en Jedske ruim op en pak die goeters in die kratte ... dankie meisies, julle is sterre.

En toe breek die oomblik van waarheid aan ...

Die amateur wenners van die Slowveld Potjiekos Kompetisie 2018 ... #ManKos

Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.




Vrydag 24 Augustus 2018

Vetkoek - Vark lekkerte

Vandag is dit koel en klam in die Laeveld. Daardie tipe koue wat jou kort kort laat mik vir iets om aan te peusel. Augustus is mos ook Vetkoek maand en Amagwinya feeste is volop.

Wel hierdie jaar het ek besluit om ietsie anders te doen. Ek het vetkoek en vark Prego gemaak.

Vetkoek en Prego Steak
Nou voor ek verder gaan ... feitlik almal wat Prego ken, weet dat die goed gewoonlik stinkend van die knoffel is en dit is presies wat my enige dis wat die woord Prego in het, laat vermy soos die pes. Sit daar by dat dit van die minder goeie snitte gemaak word en jy sit met taai en seningrige stukkie vleis wat hop van die knoffel en meer van 'n troosprys is as iets van waarde.

So tydjie gelede het ek 'n verhouding aangeknoop met die plaaslike ESKORT slaghuis in Nelspruit. Hy het aangebied om die #ManKos Potjiekos span te borg. Dit was natuurlik 'n goeie ooreenkoms want ons Potjiekos spyskaart is 100% gebou op vark.

Voeg hier by die feit dat ek 'n groot liefde vir varkvleis het en jy kry nogal interesante disse uit die vark se lyf uit.

Terug by vandag. Ek staan in die kombuis en wonder oor wat ek in my vetkoek wil insit. My oë dwaal deur die yskas en toe onthou ek, Andrè het vir my 'n pakkie van ESKORT se Prego Steaks gegee om te probeer.

ESKORT Prego Steak
Op die oog af is dit duidelik dat die vereiste chillis is aanwesig en dit lyk na 'n goed gegeurde olie in die pakkie. Ek het nou al geleer dat vark nie regtig van baie hoë hitte hou nie en ek smelt so teelepel vark vet in my pan. Toe ek die pakkie oopsny ruik ek dadelik dat daar knoffel in die storie is en ek frons, maar nouja dis die tradisie en ek gaan maar kyk hoe rof is dit regtig.

Daar is vyf mooi stukkies steak in die pakkie en ek hou van dit wat ek sien. Ek braai dit vir so 90 sekondes op die een kant en draai om. Goed gebraai met die regte hoeveelheid korsie wat gevorm het. Nog negentig sekonds en albei kante is mooi gebraai maar ek vermoed dat dit nog rou gaan wees. Halfgaar vark is nie regtig iets wat jy moet eet nie.

Ek haal die steaks uit die pan uit ... daar is nou 'n goeie laag gebraaide sous en chillies besig om vas te brand. Ek gooi so kwart koppie water in die warm pan in en dit begn dadelik borrel. Met 'n lepel skraap ek die pan bodem mooi skoon en pak die steaks terug in die sous in. So een minuut aan elke kant en ek sny die dikste een met 'n mes. Die kleur is reg en ek haal dit uit en laat rus terwyl ek my vetkoek voorberei.

Ek bak my vetkoeke vir die soort ding altyd sodat dit heeltemal hol is. Baie plek vir vulsel met 'n heerlik korsie.

Bietjie botter ... of baie ... skeppie appelkoos konfyt, tuisgemaak, breek die steak in stukkes en pak 'n mooi lagie in die holte. Volgende, dun skyfies tamatie en 'n klompie slaai blare.

En daar is hy ... heerlik ... baie lekkerder as wat ek verwag het en die knoffel is vir my, 'n man wat sensitief is vir koffel, gladnie 'n probleem nie.

Ek kan die pakkie  #ESKORT Prego Steak aanbeveel. Dis goeie waarde vir geld en anders as met baie Prego pakkies, is hierdie vleis heerlik sag en sappig.

Lekker Vetkoek dag vir julle.

Kook lekker tot ek weer 'n storie skryf.

Hier is my Facebook Bladsy ... Man Kos ... like hom as jy wil.